Фермерлар мактаби - бу қишлоқ хўжалиги маҳсулотларини етиштиришда энг замонавий инновацион технологиялардан фойдаланишни ёшларга ўргатиш, билимли ва малакали ёш фермерларни тайёрлаш ва қишлоқ хўжалиги соҳасида тадбиркорлик кўникмаларини ошириш сирларини очиб берадиган Ўзбекистондаги илк лойиҳадир.
Мамлакатимиз қишлоқ хўжалиги соҳасининг энг муҳим бўғинлари бўйича чуқур билим ва тажрибаларни ўзида мужассам қилган – “Чорвачилик”, “Паррандачилик”, “Сабзавот ва полизчилик”, “Иссиқхона хўжалиги”, “Узумчилик”, “Боғдорчилик” ҳамда “Бизнес, молия ва ҳуқуқий саводхонлик” модуллари муваффақиятли таълим олиш ва тадбиркорликка илк қадам қўйишга кўмаклашиш мақсадида ташкил этилган.
Ўқув курсида таълим жараёни халқаро стандартларга мувофиқ бўлиб,  1 (бир) ойлик ўқув муддати давомида тажрибали профессор-ўқитувчилар томонидан мазмунли машғулотлар ҳамда мамлакатимизда таниқли аграр соҳа мутахассислари, агробизнес эгалари ва психологларни жалб қилган ҳолда қизиқарли, ҳаётий тажрибага асосланган маҳорат дарслари ўтилади. 

“Фермерлар мактаби” ўқув курслари мамлакатимизнинг 5та ҳудудида ташкил этилган, улар:  

-  Тошкент (Тошкент шаҳри, Тошкент, Сирдарё вилоятларида доимий рўйхатда турганлар учун); 
-  Андижон (Андижон, Наманган ва Фарғона вилоятларида доимий рўйхатда турганлар учун);
-  Самарқанд (Самарқанд, Навоий, Жиззах вилоятларида доимий рўйхатда турганлар учун);
-  Термиз (Сурхондарё, Қашқадарё, Бухоро вилоятларида доимий рўйхатда турганлар учун);
-  Нукус (Қорақалпоғистон Республикаси ва Хоразм вилоятларида доимий рўйхатда турганлар учун). 

Ушбу курсда таълим олиш бир вақтнинг ўзида ҳам қизиқарли, ҳам самарали жараён бўлиб,  аграр соҳада келажак ютуқлари учун замин яратади.  Ушбу мақсад учун "Фермерлар мактаби" ўқув курсида барча имконият мавжуддир.

Ўқув курслар ҳақида: 
- “Фермерлар мактаби” ўқув курси;
- “Ўсимликларни ҳимоя қилиш” ўқув курси;
- “Билимлар замини”;
- “Республикада мавжуд биолаборатория раҳбар ва ходимлари малакасини ошириш” қисқа муддатли курслари;
- “Чорвачилик, қўйчилик, эчкичилик ва жун саноатини ривожлантириш” қисқа муддатли курслари;
- “Ўсимликларни ҳимоя қилиш асослари” малака ошириш  курси;