Иқтидорли битирувчимиз ютуқлар муборак!
“Фермер мактаби” МЧЖнинг “Ўсимликлар ҳимояси” Республика миқёсидаги 3 ойлик ўқув курси битирувчиси Холдаров Муҳаммадали Хуснидин ўғли 2022/2023 ўқув йили учун Ўзбекистон Республикаси Қишлоқ хўжалиги вазири стипендиясига сазовор бўлди!
Холдаров Муҳаммадали ҳозирги кунда Андижон қишлоқ хўжалиги ва агротехнологиялар институти магистранти. У ўз устида тинмай ишлайдиган, янгиликларга интилувчан хозирги кундаги ташаббускор ёшлар сарасига кириб, Ўзбекистон Республикаси Президенти ҳузуридаги давлат хизматини ривожлантириш агентлиги Андижон вилояти «Келажак лидерлари» клуби аъзоси, “ИнноWеек-2022” ҳудудий ғоялар инновацион кўргазмалар иштирокчиси, ёшлар иттифоқи фаоли бўлиши билан бир қаторда турли илмий-ташкилий тадбирларда мунтазам иштирок этиб келмоқда.
Холдаров Муҳаммадали “Ўсимликларни ҳимоя қилишда инновацион СМАРТ АГРЕГАТ нинг самарадорлиги” мавзусида илмий-тадқиқот иши юзасидан изланишларни олиб бормоқда. У турли Республика ва халқаро миқёсда 20 дан ортиқ илмий мақолаларини чоп этган.
Келажакда қишлоқ хўжалиги соҳасида олиб бораётган изланишларида бунданда юқори чўққиларни забт этишини тилаб қоламиз.
15.02.2023 | 371