Fermerlar maktabi - bu qishloq xo‘jaligi mahsulotlarini yetishtirishda eng zamonaviy innovatsion texnologiyalardan foydalanishni yoshlarga o‘rgatish, bilimli va malakali yosh fermerlarni tayyorlash va qishloq xo‘jaligi sohasida tadbirkorlik ko‘nikmalarini oshirish sirlarini ochib beradigan O‘zbekistondagi ilk loyihadir.
Mamlakatimiz qishloq xo‘jaligi sohasining eng muhim bo‘g‘inlari bo‘yicha chuqur bilim va tajribalarni o‘zida mujassam qilgan – “Chorvachilik”, “Parrandachilik”, “Sabzavot va polizchilik”, “Issiqxona xo‘jaligi”, “Uzumchilik”, “Bog‘dorchilik”,  "Asalarichilik"  "Baliqchilik" hamda “Biznes, moliya va huquqiy savodxonlik” modullari muvaffaqiyatli ta’lim olish va tadbirkorlikka ilk qadam qo‘yishga ko‘maklashish maqsadida tashkil etilgan.
O‘quv kursida ta’lim jarayoni xalqaro standartlarga muvofiq bo‘lib,  1 (bir) oylik o‘quv muddati davomida tajribali professor-o‘qituvchilar tomonidan mazmunli mashg‘ulotlar hamda mamlakatimizda taniqli agrar soha mutaxassislari, agrobiznes egalari va psixologlarni jalb qilgan holda qiziqarli, hayotiy tajribaga asoslangan mahorat darslari o‘tiladi. 

“Fermerlar maktabi” o‘quv kurslari mamlakatimizning 5ta hududida tashkil etilgan, ular: 

-  Toshkent (Toshkent shahri, Toshkent, Sirdaryo viloyatlarida doimiy ro‘yxatda turganlar uchun); 
-  Andijon (Andijon, Namangan va Farg‘ona viloyatlarida doimiy ro‘yxatda turganlar uchun);
-  Samarqand (Samarqand, Navoiy, Jizzax viloyatlarida doimiy ro‘yxatda turganlar uchun);
-  Termiz (Surxondaryo, Qashqadaryo, Buxoro viloyatlarida doimiy ro‘yxatda turganlar uchun);
-  Nukus (Qoraqalpog‘iston Respublikasi va Xorazm viloyatlarida doimiy ro‘yxatda turganlar uchun). 

Ushbu kursda ta’lim olish bir vaqtning o‘zida ham qiziqarli, ham samarali jarayon bo‘lib,  agrar sohada kelajak yutuqlar uchun zamin yaratadi.  Ushbu maqsad uchun "Fermerlar maktabi" o‘quv kursida barcha imkoniyat mavjud.

O‘quv kurslar haqida: 
- “Fermerlar maktabi” o‘quv kursi;
- “O‘simliklarni himoya qilish” o‘quv kursi;
- “Bilimlar zamini”;
- “Respublikada mavjud biolaboratoriya rahbar va xodimlari malakasini oshirish” qisqa muddatli kurslari;
- “Chorvachilik, qo‘ychilik, echkichilik va jun sanoatini rivojlantirish” bo'yicha qisqa muddatli kurslar;
- “O‘simliklarni himoya qilish asoslari” malaka oshirish  kursi;